Bwyd a Diod
Arlwyo ar gyfer Cynadleddau
Yn Venue Cymru rydym yn gweithio'n agos gyda'n arlwywyr proffesiynol ar y safle, i ddarparu ystod eang o atebion arlwyo i ddiwallu eich anghenion unigol.
Gan gynnig amrywiaeth eang o fwydlenni bwffe poeth ac oer a gwledda ar gyfer hyd at 1000 o bobl yn ogystal ag opsiynau ysgafnach megis canapés, teisennau a diodydd egni, mae Venue Cymru hefyd yn cynnig detholiad o ddewisiadau amgen iachach fel ein Bwffe Bys a Bawd Iach a smwddis ffrwythau ffres.
Diolch i'n ceginau a staff ar y safle, gallwch ddisgwyl ansawdd uchel a hyblygrwydd eithriadol. Trafodwch unrhyw newidiadau yr hoffech eu gwneud i'n bwydlenni safonol gyda'r tîm Cynadleddau a Digwyddiadau.
Cliciwch ar y dewisiadau ar ochr chwith y dudalen hon i weld ein bwydlenni arlwyo cynhadledd.
Bar Caffi Catlin
Mae Bar Caffi Catlin ar agor drwy'r dydd i fynychwyr cynadleddau, y theatr ac aelodau o'r cyhoedd. Mae'n far trwyddedig sy’n gweini cinio ysgafn, cacennau a theisennau, a diodydd poeth ac oer (coffi Starbucks) mewn amgylchedd hamddenol cyfforddus.
Bwyty Y Review
Wedi'i leoli uwchben y bar caffi, mae bwyty Y Review yn cynnig golygfeydd panoramig syfrdanol o'r môr ar draws bae Llandudno. Mae'r bwyty trwyddedig yn llawn yn cynnig bwydlen amrywiol a dewis o winoedd gwych.
Mae'r bwyty ar agor ddydd Mawrth i ddydd Sadwrn 12pm i 2.30pm a dwy awr a hanner cyn perfformiadau'r theatr ar gyfer prydau cyn sioeau.
Touches of Inspiration Cinio (137.99 kB)
Bwydlen Gwanwyn_Mawrth - Mai (697.5 kB)
Caiff oriau agor eu hymestyn ar ddiwrnodau pan fydd perfformiad yn y theatr. Ar ddiwrnodau perfformiad mae’r bwyty ar agor nes bydd y sioe yn dechrau.
I gadarnhau amseroedd agor neu archebu ym mwyty Y Review, ffoniwch 01492 873641. Argymhellir archebu ymlaen llaw.
